Rasiejskaja pravasłaŭnaja carkva źbirajecca pabudavać u Sierhijevym Pasadzie «pravasłaŭny Vatykan» i źnieści dziela hetaha častku budynkaŭ u centry horadu.
Pra heta paviedamlaje rasiejskaja słužba «Bi-Bi-Si», u rasparadžeńni jakoj apynuŭsia plan pierabudovy Sierhijeva Pasadu.
Pobač z Trojca-Sierhijevaj łaŭraj planujecca pabudavać «chram pad adkrytym niebam». U centry horadu RPC prapanuje źnieści budynak administracyi Sierhijeva Pasadu, dva hateli, niekalki žyłych damoŭ, handlovy centar, zabaŭlalny park i rynak. Na ich miescy planujecca ŭźvieści biblijateku, kompleks carkoŭnych ustanoŭ, moładzievy centar, kanhres-centar i medyja-centar.
U žniŭni kiraŭnik carkoŭnaj rady pa mastactvie, architektury i restaŭracyi, pratajarej Leanid Kalinin zajaviŭ, što centar horadu treba «ačyścić ad savieckaj spadčyny».
Pavodle słovaŭ carkoŭnikaŭ, prajekt uchvaleny patryjarcham Kiryłam i prezydentam Rasiei Ŭładzimiram Pucinym. Pres-sakratar kiraŭnika dziaržavy na pytańnie ab tym, ci byŭ taki prajekt rekanstrukcyi, nie adkazaŭ.
