Fota FK Brest
Novy techničny dyrektar «Daradas» Dyjeha Maradona padzialiŭsia emocyjami pra pačatak pracy ŭ kłubie ź Sinałoa.
«My pryjechali siudy nie na adpačynak. My budziem pracavać, jak i ŭ Dubai. Tyja, z kim my pracavali, mohuć paćvierdzić, što my starajemsia z usich sił.
U mianie jość siabar Machamied, jon dobra adhukaŭsia pra «Daradas». Ja amal padpisaŭ kantrakt ź biełarusami (Maradona zastajecca hanarovym prezidentam bresckaha «Dynama»), ale potym pakinuŭ ich, bo dumaju, što mahu zastacca tut nadoŭha.
Moj asabisty prahres? Kali ja 15 hadoŭ nazad zaviazaŭ z narkotykami, ja skazaŭ, što bolš nikoli ŭ žyćci nie budu kaštavać padobnaha», - skazaŭ Maradona.
Raniej pres-słužba bresckaha «Dynama» paviedamiła, što Maradona praciahnie pracavać u struktury kamandy na pasadzie staršyni praŭleńnia (hanarovaha prezidenta). Akramia taho, kłub zajaŭlaŭ, što kantrakt z arhiencincam padpisany terminam na try hady.
