herald.co.zw
Kiraŭnik spraŭ prezidenta Biełarusi Viktar Šejman pravioŭ pieramovy z prezidentam Zimbabve Emiersanam Mnanhahva. Pra heta piša miascovaja ŭradavaja hazieta The Herald.
U chodzie sustrečy Šejman pieradaŭ Mnanhahva pasłańnie ad Alaksandra Łukašenki, jaki jašče raz pavinšavaŭ prezidenta Zimbabve ź pieramohaj na niadaŭnich vybarach i budučym dniom naradžeńnia. Biełaruski lidar zaprasiŭ kiraŭnika afrykanskaj dziaržavy ŭ luby čas naviedać Biełaruś z aficyjnym vizitam, dadaŭ Šejman.
Jon pieradaŭ Mnanhahva ŭ jakaści padarunka mieč, na jakim byli napisanyja imia prezidenta Zimbabve, słohan Pasi neMhandu i leŭ, jakija nahadvajuć jaho tatem.
Prezient pryjšoŭsia pa dušy Emiersanu Mnanhahva. Jon vykazaŭ nadzieju, što ŭ bližejšy čas znojdzie zručnuju dla naviedvańnia Biełarusi datu.
Pa dadzienych The Herald, akramia aficyjnaj častki Viktar Šejman i Emiersan Mnanhahva praviali sustreču «sam-nasam». Ministr zamiežnych spravaŭ i mižnarodnaha handlu Zimbabve Sibusisa Majio skazaŭ, što vysokapastaŭleny biełaruski čynoŭnik aryjentujecca na inviestycyi ŭ roznych siektarach, uklučajučy sielskuju haspadarku i hornazdabyŭnuju pramysłovaść. «Sustreča z prezidentam była vielmi sardečnaj. Jaje vynikam stanie ŭdzieł [Biełarusi] ŭ ekanamičnych dziejnaści [Zimbabve] ŭ roznych siektarach ekanomiki », - skazaŭ jon.
Viktar Šejman padčas dvuchdzionnaha vizitu praviadzie sieryju sustreč z roznymi ministrami.
Kiraŭnik spraŭ prezidenta Biełarusi naviedvaje Zimbabve ŭžo druhi raz za hety hod. U sakaviku Viktar Šejman byŭ tam razam z synam Siarhiejem. Jany paabiacali Zimbabve pabudavać vialiki zavod i naraścić tavaraabarot da 1 młrd dalaraŭ. Pa vynikach 2017 hoda tavaraabarot vyras u 10 razoŭ i pieravysiŭ 20 młn dalaraŭ.
