Kiraŭnik MZS Šviejcaryi Ihnacya Kasis zajaviŭ, što jaho kraina nie pacierpić aktyvizacyi špijonskaj dziejnaści Rasii, paviedamlaje Swissinfo.
Pa słovach Kasisa, aktyŭnaść raźviedvalnych słužbaŭ roznych krain źjaŭlajecca štodzionnaj rucinaj dla Šviejcaryi, ale ŭ hetym vypadku, Rasija pajšła na niedapuščalnuju eskałacyju.
«Z Rasijaj ža atrymałasia peŭnaja eskałacyja. Ź joj my ŭ hetym hodzie ŭžo mieli na roznych uzroŭniach dvuchbakovyja kantakty z metaj vyrazna zajavić, što my nie pacierpim takoha rodu dziejnaści ŭ Šviejcaryi. Na nastupnym tydni ja sustrenusia sa svaim rasijskim kaleham. I ja jamu skažu heta jašče raz prama i adkryta», — skazaŭ ministr.
Raniej urad Šviejcaryi zapatrabavaŭ, kab Rasija spyniła lubuju špijonskuju dziejnaść na jaho terytoryi. Paviedamlałasia, što rasijskija śpiecsłužby sprabavali atakavać łabaratoryju kala Bierna, jakaja analizuje chimičnuju i bijałahičnuju zbroju i praviaraje niervova-paralityčny ahienty, takija jak «Navičok».
