Zdareńnie adbyłosia ŭ Maładziečanskim rajonie 18 vieraśnia kala 11.30. Pra heta kraj.by raspavioŭ dziaržaŭtainśpiektar ADAI Maładziečanskaha RAUS Siarhiej Bartaš.
Žychar Minska na «Piežo 307» jechaŭ pa vioscy Małyja Bakšty ŭ napramku kanała Vilejska-Minskaj vodnaj sistemy. U sałonie aŭtamabila znachodzilisia dvoje pasažyraŭ — mama i ciotka kiroŭcy. Usie troje nakiroŭvalisia ŭ hryby.
— Daroha pralahała praź lesapałasu, i prajeznaja častka tam niešyrokaja, — rastłumačyŭ dziaržaŭtainśpiektar. — Na ŭčastku darohi z zakruhleńniem naleva minčuk ubačyŭ «Kia Sid», što jechała nasustrač, toj taksama kiravaŭ minčuk.
Kab paźbiehnuć łabavoha sutyknieńnia, abodva kiroŭcy stali tarmazić na piasčanym pakryćci. Minčuk na «Kia» pryniaŭ praviej i ledź nie ŭrezaŭsia ŭ dreva.
U vyniku DTZ aŭtamabili atrymali niaznačnyja paškodžańni. I adzin, i druhi kiroŭca śćviardžajuć, što nie vinavatyja ŭ avaryi.