Wikimedia Commons
Francuzski sud vyrašyŭ padvierhnuć lidara pravaj partyi «Nacyjanalny front» Maryn Lo Pien psichijatryčnaj ekśpiertyzie, paviedamiła palityk na svajoj staroncy ŭ tvitary. Pryčynaj dla hetaha stała rasśledavańnie spravy z 2015 hoda ab publikacyi Lo Pien kadraŭ sa śmiarotnymi pakarańniami, jakija ździejśnili isłamisty.
Lo Pien u svaim tvitary apublikavała kopiju pastanovy, ź jakoj vynikaje, što jaje abvinavačvajuć u «raspaŭsiudzie paviedamleńniaŭ hvałtoŭnaha, parnahrafičnaha charaktaru, dastupnych niepaŭnaletnim». U suviazi z hetym jana pavinna prajści psichijatryčnuju ekśpiertyzu, u ramkach jakoj ekśpierty pavinny buduć adkazać na vosiem pytańniaŭ. U pryvatnaści, im treba budzie vyśvietlić, ci ŭśviedamlała Lo Pen nastupstvy svaich dziejańniaŭ pry publikacyi.
«Z-za asudžeńnia žachaŭ ID tvitami pravasudździe adpraŭlaje mianie na psichijatryčnuju ekśpiertyzu! Jak daloka jany zojduć?» — napisała Lo Pien.
Publikacyi, jakija stali padstavaj dla rasśledavańnia, byli zroblenyja Lo Pien u 2015 hodzie. Tady žurnalist telekanała BFM paraŭnaŭ «Nacyjanalny front» Lo Pien z ekstremisckimi hrupami nakštałt «Isłamskaj dziaržavy». Lo Pien adkazała krytyku, apublikavaŭšy ŭ svaim Twitter fota pakarańnia amierykanskaha žurnalista Džejmsa Foŭli i ijardanskaha lotčyka, jakija trapili pad ruku bajevikam ID padčas apieracyi ŭ Iraku. Foŭli byŭ abiezhałoŭleny isłamistami, a lotčyk — spaleny žyŭcom. Takim čynam palityk pasprabavała prademanstravać roźnicu «Nacyjanalnaha frontu» i ID.
Publikacyja hetych kadraŭ vyklikała publičny skandał.
