U Vierchniadźvinskim rajonie pry sutyknieńni matacykła ź ciahnikom kiroŭca zahinuŭ, pasažyr straciŭ nahu, paviedamlaje BiełTA.
Incydent adbyŭsia 22 vieraśnia ŭ 17.10 kala vioski Marcinava. Baćka z synam na matacykle jechali da babuli. Prykładna za 40 mietraŭ da čyhunačnaha pierajezda kiroŭca, kali ŭbačyŭ, što nie paśpiavaje pierajechać, pačynaje tarmazić i źjazdžaje na pravuju abočynu, dzie źbivaje apošni zaharadžalny słupok pierajezda. Svajaki ŭrezalisia ŭ skład hruzavoha ciahnika.
U vyniku DTZ kiroŭca pamior na miescy, u jaho 14-hadovaha syna adarvała levuju nahu, jon taksama atrymaŭ udary. Chłopca advieźli ŭ reanimacyjnaje adździaleńnie Vierchniadźvinskaj balnicy. Mašynist ciahnika nie zaŭvažyŭ sutyknieńnia i pajechaŭ dalej pa maršrucie.
Milicyju vyklikali vidavočcy. Baćka i syn jechali ŭ šlemach, na matacykł mielisia ŭsie nieabchodnyja dakumienty.
