Chareohraf, narodny artyst Biełarusi i SSSR Valancin Jelizarjeŭ viarnuŭsia ŭ Opierny teatr i zaniaŭ pasadu mastackaha kiraŭnika, paviedamlaje Tut.by.
Fota: Alaksandr Vasiukovič, Tut.by.
Siońnia Valancin Jelizarjeŭ padpisaŭ kantrakt terminam na piać hadoŭ. Zaŭtra ministr kultury Biełarusi Juryj Bondar pradstavić jaho kalektyvu.
26-hadovy Jelizarjeŭ staŭ hałoŭnym baletmajstram Biełaruskaha akademičnaha teatra opiery i baleta ŭ 1973 hodzie. Paźniej jon źjaŭlaŭsia dyrektaram — mastackim kiraŭnikom baletnaj trupy.
Jelizarjeŭ syšoŭ z kalektyvu ŭ 2009 hodzie. Tady zaviaršałasia rekanstrukcyja Teatra opiery i baleta. Płanavałasia, što Jelizarjeŭ zojmie pasadu dyrektara Nacyjanalnaha teatra opiery i baleta. Ale jamu prapanavali tolki staŭku «hałoŭnaha baletmajstra».
