Ministr achovy zdaroŭja Valeryj Małaška prakamientavaŭ masavyja zatrymańni daktaroŭ i čynoŭnikaŭ u śfiery miedycyny.
«Heta dla mianie stała absalutnaj niečakanaściu. I pryčynaj [zatrymańniaŭ] stała nie vyrašeńnie niejkich pytańniaŭ u śfiery pryniaćcia rašeńniaŭ, a ich niaścipłaść,
— patłumačyŭ jon žurnalistam padčas pasiedžańnia Pałaty pradstaŭnikoŭ. —
Siońnia my pracujem z padboram kadraŭ, mianiajem sistemu zakupak. Ź Ministerstvam antymanapolnaha raźvićcia vypracoŭvajem schiemu, jakaja minimizuje karupcyjnyja ryzyki».
Małaška raskazaŭ, što vyzvalenyja sa źniavoleńnia miedyki znoŭ prosiacca na rabotu, «ale ŭžo prosta daktarami, a nie kiraŭnikami».
«Ja kazaŭ i na naradzie ŭ prezidenta, što jość peŭnaja vina kiraŭnika viedamstva, — pryznaŭsia Małaška. — Ale što možna było b zrabić, kab hetaha nie adbyłosia? Karupcyja jość u kožnym hramadstvie i na kožnym uzroŭni».
