Eskiz pomnika kalektyvu skulptaraŭ Volhi Niačaj i Siarhieja Ahanava, a taksama architektaraŭ M. Markaŭcovaj i V. Jarmolinaj.
Kiraŭnik hramadckaj dyrekcyi Narodnaha miemaryjału ŭ Kurapatach Aleś Čacholski prapanavaŭ kampramisny varyjant raźmiaščeńnia miemaryjalnaha znaku «pamiaci i prymireńnia», jaki ŭłady źbirajucca pastavić na pahorku ŭ centry Kurapataŭ, piša Radyjo Svaboda.
«Kab nie było novych kanfliktaŭ i bojek, kab hodna zachavać pamiać ab achviarach represijaŭ».
Raniej aktyvisty KCHP BNF dy inšych hramadzkich arhanizacyjaŭ, jakija užo šmat hadoŭ apiakujucca Kurapatami, vykazvalisia suprać ustalavańnia aficyjnaha memaryjalnaha znaku.
«Nakont umiašańnia dziaržavy ŭ Kurapaty naša pazycyja nie źjamniłasia — niama čaho tudy leźci, tam užo staić memaryjał, stvorany narodam, — patłumačyŭ Aleś Čacholski. — Ale što da ŭstalavańnia pamiatnaha znaku my hatovyja na kampramis i zhodnyja, kab jon byŭ pastaŭleny na padnožžy hary. Paŭtarusia: nie na ŭzvyššy, prazvanym «Hałhofaj», a na padnožžy, na ŭvachodzie ŭ memaryjał z boku Miensku. Na naš pohlad, jon tam budzie darečy i nie parušyć ansambl memaryjału, jaki ŭžo skłaŭsia».
Pavodle Čacholskaha, ideju hetaha kampramisu padtrymlivajuć jak siabry hramadzkaj dyrekcyi Narodnaha memaryjału, tak i pikietoŭcy restaracyi «Pojediem pojedim». Kampramisny varyjant ustalavańnia memaryjalnaha znaku ŭchvaliŭ u razmovie z karespandentam Svabody namieśnik staršyni partyi KCHP-BNF Juraś Bieleńki.
Pra hetuju prapanovu, kaža Čacholski, viedajuć i aŭtary aficyjnaha memaryjalnaha znaku.
Aktyvisty hatovyja ŭziać udzieł u dobraŭparadkavańni ŭvachodu ŭ Kurapaty, dzie prapanujuć ustalavać aficyjny memaryjalny znak, u pryvatnaści — zabrukavać darohu.
«Užo sabranyja hrošy, źbirajucca kamiani», — skazaŭ Aleś Čacholski.
Čytajcie taksama: Vyznačany pieramožca dziaržaŭnaha konkursu na pomnik u Kurapatach
