Dźvie niepaŭnaletnija siabroŭki z Mahilova prydumali niezvyčajny sposab padzarabić. Padrabiaznaści raspaviała Julija Hančarova, aficyjnaja pradstaŭnica Śledčaha kamiteta.
Adnoj ź dziaŭčyn 17 hadoŭ, druhoj — 16. Dziaŭčaty padychodzili da handlovych paviljonaŭ i prasili pradać im niejkuju drobiaź, zvyčajna koštam 1 rubiel 50 kapiejek. Rychtavali dla apłaty kupiuru 50 rubloŭ, pakazvajučy pradaŭcu. Paśla, kali pradaviec pačynaŭ šukać reštu, dziaŭčaty «niečakana znachodzili» 50 kapiejek i addavali ich pradaŭcu. Kupiuru 50 rubloŭ cichieńka chavali. Zvyčajna pradaviec nie zaŭvažaŭ hetaha i addavaŭ tavar, a taksama 49 rubloŭ «rešty».
Takim čynam dziaŭčaty padmanuli piaciarych pradaŭcoŭ, zarabiŭšy kala 250 rubloŭ. Ale ich usio ž zatrymali i zaviali kryminalnuju spravu. Ciapier im pahražaje da 3 hadoŭ kałonii za machlarstva.
