Siońnia kala 5-j ranicy kiroŭca mašyny «BMV 750», jedučy pa praśpiekcie Dziaržynskaha z boku centra ŭ kirunku Hurskaha, sutyknuŭsia z mašynaj hazaŭščykoŭ. Paśla avaryi kiroŭca BMV ź miesca DTZ uciok. Pra zdareńnie pieradaje pres-słužba HDAI HUUS.
Aŭtamabil samaadvolna zadnim chodam pačaŭ ruch, najechaŭ na bardziurny kamień, vyjechaŭ za miežy prajeznaj častki, dzie ŭrezaŭsia ŭ mietaličnuju aharodžu budplacoŭki.
Asoba kiroŭcy BMV była chutka vyznačana, nieŭzabavie jaho zatrymali daišniki. Im akazaŭsia hramadzianin Kitaja, 1998 hoda naradžeńnia. Jak pakazaŭ miedycynski ahlad, hora-kiroŭca byŭ niećviarozym (0.48 pramile).
U dačynieńni da jaho składziena 6 administracyjnych pratakołaŭ, jakija buduć pieradadzienyja ŭ adździeł pa hramadzianstvie i mihracyi, dzie budzie razhledžana pytańnie ab metazhodnaści jaho dalejšaha znachodžańnia ŭ krainie.