Trahičnaje zdareńnie adbyłosia ŭ Kluščanach Astravieckaha rajona, paviedamlaje SK.
2 kastryčnika bryhada z troch rabočych biaspłatna abšyvali sajdynham miascovy kaścioł. Dla vykanańnia rabot na vyšyni vykarystała samarobnyja budaŭničyja ryštavańni. Ale jany byli niaŭstojlivyja i ŭ niejki momant adyšli ad vonkavaj ściany budynka. U vyniku 30-hadovy rabočy (žychar Smarhoni) zvaliŭsia z vyšyni 3,5 mietra i ad atrymanych cialesnych paškodžańniaŭ pamior na miescy da pryjezdu chutkaj dapamohi.
SK paviedamlaje, što budaŭničaja bryhada praciahły čas zajmajecca vykanańniem zamovaŭ biez rehistracyi, vykarystoŭvajučy abstalavańnie, jakoje nie adkazvaje patrabavańniem techniki biaśpieki.
Fota ProCentra.ru
Nahadajem, što kaścioł Śviatoha Jaŭchima, pabudavany ŭ 1726 hodzie, zhareŭ 6 červienia 2017 hoda. Viadoma, što ŭ im 1915-m nievialiki pramiežak času słužyŭ viadomy paet, a taksama katalicki śviatar Kastanty Stapovič, viadomy taksama pad svaim litaraturnym psieŭdanimam Kazimir Svajak. Padčas pažaru 2017 hoda vyratavać nie ŭdałosia ničoha. «Tolki vyciahnuli knihu 1887 hoda z archivami, ale navat jana napałovu zhareła», — raskazaŭ tady «Našaj Nivie» parafijanin Aleś Marozik.
Fota Alesia Marozika
