Deputatka Pałaty pradstaŭnikoŭ, staršynia Tavarystva biełaruskaj movy Alena Anisim 5 kastryčnika atrymała adkazy ź ministerstvaŭ unutranych spravaŭ i justycyi nakont prapanovy pryznać bieł-čyrvona-bieły ściah historyka-kulturnaj kaštoŭnaściu. Pra heta Anisim paviedamiła žurnalistu Svabody.
Zvaroty ŭ ministerstvy kultury, unutranych spravaŭ i justycyi Anisim nakiroŭvała sumiesna z deputatkaj Pałaty pradstaŭnikoŭ Hannaj Kanapackaj i sustaršynioj BCHD Volhaj Kavalkovaj. Adkazu ź Ministerstva kultury na momant publikacyi niama. Usie ministerstvy musili adkazać da 3 kastryčnika.
Abiedźvie deputatki vykazvali dumku, što treba dazvolić volnaje vykarystańnie histaryčnaha ściaha ŭ Biełarusi, u tym liku dziaržaŭnymi ŭstanovami, i abaranić jaho ad niepravamiernych pieraškodaŭ u vykarystańni.
Pazycyja MUS: «u pradstaŭlenym prajekcie zakonu niama narmatyŭnych praŭnych zahadaŭ i daručeńniaŭ», jakija datyčacca viedamstva.
Pazycyja Ministerstva justycyi: Zakonaprajekt nieabchodna ŭzhadnić z šeraham dziaržaŭnych orhanaŭ, u pryvatnaści ź Ministerstvam kultury.
Na prośbu Svabody prakamentavać listy z dvuch ministerstvaŭ deputatka Anisim adkazała, što jana spačatku chacieła pabačyć pazycyju Ministerstva kultury. Adnak adkazu z hetaha viedamstva ŭ jaje pakul niama.
