Paŭabaronca «Krumkačoŭ» Aleh Dybal zatrymany za niezakonny abarot asabliva niebiaśpiečnych psichatropnych rečyvaŭ.
«U dačynieńni da jaho Partyzanskim rajonnym adździełam SK raspačata i rasśledujecca kryminalnaja sprava pa prykmietach złačynstva, praduhledžanaha č. 3 art. 328 (niezakonny abarot asabliva niebiaśpiečnych psichatropnych rečyvaŭ)», — raspavioŭ «NN» aficyjny pradstaŭnik SK Alaksandr Ivanoŭ.
Pakarańnie pa artykule suvoraje. Pazbaŭleńnie voli na termin ad vaśmi da piatnaccaci hadoŭ z kanfiskacyjaj majomaści abo biez kanfiskacyi.
Dybal zatrymany supracoŭnikami ŭnutranych orhanaŭ 9 kastryčnika.
Cupracoŭnikami padraździaleńnia pa narkakantroli padčas pieratrusu ŭ jaho doma vyjavili bolš za 40 h zabaronienaha rečyva. Atrymany zaklučeńni sudova-chimičnaj ekśpiertyzy, ustanoŭlena, što heta — asabliva niebiaśpiečnaje psichatropnaje rečyva alfa-PVP. Ciapier z zatrymanym pracujuć śledčyja.
U «Krumkačach» skazali «NN»: «My sami tolki što daviedalisia, tamu aficyjny kamientar budzie paźniej, padrabiaznaściaŭ nie viedajem».
Dybal 1993 hoda naradžeńnia. Jon minčuk, vychavaniec spartovaj škoły MTZ, hulaŭ za kamandy «Partyzan», «Ždanovičy», «Viktoryja» (Marjina Horka), «Ašmiany». Siezon 2018 pačaŭ u «Krumkačach».
Taksama futbolny kłub «Krumkačy» vystupiŭ z zajavaj:
«Futbolny kłub «Krumkačy» zaŭsiody niehatyŭna stavicca da lubych formaŭ supraćpraŭnych dziejańniaŭ. Kłub hatovy da supracoŭnictva z pravaachoŭnymi orhanami, kali heta spatrebicca. Adnak da taho času, pakul vina nie budzie dakazanaja, my nie možam kazać pra ŭdzieł Aleha Dybala ŭ tym ci inšym pravaparušeńni. Kłub budzie dapamahać futbalistu ŭ situacyi, jakaja skłałasia «.
