Kierč FM
Śledčy kamitet Rasii pierakvalifikavaŭ kryminalnuju spravu, zaviedzienuju pa fakcie vybuchaŭ u technikumie ŭ Kierčy. Ab hetym paviedamlajecca na sajcie viedamstva.
Artykuł «Terakt» (205 KK RF) źmienieny na «Zabojstva dźviuch i bolš asob ahulnaniebiaśpiečnym sposabam».
«Zychodziačy z karciny złačynstva, śledstva miarkuje, što hety małady čałaviek rasstralaŭ ludziej, što znachodzilisia ŭ kaledžy, a zatym ździejśniŭ samahubstva», — havorycca ŭ paviedamleńni SKR.
Viedamstva taksama paviedamiła, što cieła padazravanaha ŭ ździajśnieńni teraktu — 18-hadovaha vučnia čaćviortaha kursa technikuma Uładzisłava Raślakova — vyjavili ŭ biblijatecy na druhim paviersie.
Pry hetym u Nacyjanalnym antyterarystyčnym kamitecie (NAK) zajavili, što Raślakoŭ moh być nie adzin, i pošuk mahčymych arhanizataraŭ i vykanaŭcaŭ złačynstva praciahniecca.
Raniej paviedamlałasia, što ŭ technikumie ŭ Kierčy adbyłasia sieryja vybuchaŭ i stralba, a NAK zajaviŭ pra padryŭ bomby. U horad byli ŭviedzienyja vajskoŭcy i braniatechnika, ułady abviaścili pra režym nadzvyčajnaj situacyi.
Čytajcie taksama:
Apublikavana VIDEA, jakoje źniali studenty padčas masavaha zabojstva ŭ Kierčy
Chłopiec, jaki napaŭ na kierčanski kaledž, mieŭ dazvoł na palaŭničuju zbroju i byŭ vydatnikam
Napad na kaledž u Kierčy ŭčyniŭ jaho student. Jon skončyŭ žyćcio samahubstvam
