Kanhres ZŠA moža adkłaści ŭviadzieńnie novych sankcyj u dačynieńni da Rasii, bo nie paśpieje da kanca hoda razhledzieć adpaviedny zakonaprajekt i pravieści hałasavańnie. Pra heta paviedamiŭ Bloomberg sa spasyłkaj na amierykanskich sienataraŭ.
Pa dadzienych ahienctva, zaraz zakanadaŭcy skancentravany na hałasavańni pa mierach, źviazanych z asihnavańniami na dziejnaść uradavych struktur, kandydatami na sudziejskija pasady i zakonaprajektam ab sielskaj haspadarcy.
«U nas nie vielmi šmat času, — cytuje Bloomberg sienatara ad štata Techas Džona Kornina. - Heta budzie sapraŭdnaj honkaj, kali tolki ŭsio nie chočuć zastacca tut na Kalady». Jašče adzin sienatar Bob Mieniendes, jaki pradstaŭlaje štat Ńju-Džersi, taksama zajaviŭ, što ŭ kanhresa naŭrad ci zastaniecca čas na hałasavańnie pa sankcyjach.
