Foto Fotolia / Kateryna_Kon
«My nie viedali, jak pracujuć prabijotyki, tamu mnohija ludzi ličyli ich adnym z padvidaŭ «alternatyŭnaj miedycyny», čymści ezateryčnym i nienavukovym. My nie tolki pravieryli ich pracu, ale i pasprabavali daviedacca, jakija bijałahičnyja miechanizmy abumoŭlivali ich dziejańnie, što, jak my spadziajemsia, paskoryć praniknieńnie hetych praduktaŭ u miedycynu», − zajaviŭ Rabierta Pacyfisi z univiersiteta Emary ŭ Atłancie (ZŠA).
Niabačny lalkavod
Cieła čałavieka źmiaščaje ŭ sabie prykładna ŭ 10 razoŭ bolš adnakletačnych bakteryj, hrybkoŭ i inšych pradstaŭnikoŭ mikrafłory, čym našych ułasnych kletak. Nazirańni apošnich hadoŭ pakazvajuć, što mikrafłora moža nie tolki ŭpłyvać na mietabalizm čałavieka i imaviernaść raźvićcia raka i inšych chvarob, ale i na jaho pavodziny i zvyčki.
Naprykład, dośledy na myšach pakazvajuć, što transpłantacyja «zdarovaj» mikrafłory ŭ kišačnik poŭnych hryzunoŭ moža prymusić ich schudnieć. U svaju čarhu, chudyja ludzi ŭ siarednim vałodajuć bolš bahataj i raznastajnaj mikrafłoraj, a toŭstaja ježa spryjaje razmnažeńniu ŭ kišačniku admysłovych bakteryj, jakija spryjajuć usmoktvańniu tłušču i paskarajuć raźvićcio atłuścieńnia.
Navukoŭcy ŭžo bolš za stahodździe spračajucca ab tym, ci možna palepšyć mikrafłoru i zrabić jaje bolš karysnaj dla arhanizma pry dapamozie roznych praduktaŭ-prabijotykaŭ, jakija źmiaščajuć u sabie roznyja karysnych bakteryi. Da prykładu, jašče ŭ 1907 hodzie Ilja Miečnikaŭ, nobieleŭski łaŭreat i zasnavalnik rasijskaj bijałohii, źviazaŭ daŭhalećcie bałharskich sialan z tym, što jany pili vialikuju kolkaść johurtu.
U nastupnyja hady źjaviłasia mnostva prychilnikaŭ i praciŭnikaŭ hetaj idei, i pakul u bijołahaŭ i miedykaŭ niama adnaznačnaha paćvierdžańnia abo abviaržeńnia taho, što prabijotyki mohuć naŭprost mianiać mikrafłoru. Sumnievy «skieptykaŭ» źviazanyja z tym, što straŭnikavyja soki i kisłoty zabivajuć vialikuju častku mikrobaŭ jašče da taho, jak jany paśpiejuć patrapić u kišačnik, što robić, jak jany ličać, prabijotyki hetak ža karysnymi, jak i zvyčajnaja ježa.
Siła mikrafłory
Pacyfisi i jaho kalehi dakazali, što ŭ prabijotykaŭ ŭsio ž jość karysnyja ŭłaścivaści, nazirajučy za tym, jak niekalki papularnych hatunkaŭ johurta i inšych małočnych praduktaŭ, jakija źmiaščajuć u sabie vialikuju kolkaść bakteryj Lactobacillus rhamnosus.
Hetyja mikroby, jak daŭno viedajuć navukoŭcy, dastatkova dobra pieranosiać «vandravańnie» praz straŭnik, adnak ich karyść dla arhanizma čałavieka pakul zastavałasia pradmietam sprečak siarod navukoŭcaŭ. Da prykładu, častka bijołahaŭ ličyła, što jany dapamahajuć umacoŭvać kostki žančyn, tady jak inšyja daśledčyki sumniavalisia ŭ hetym.
Amierykanskija daśledčyki dakazali, što heta tak, kormiačy niekalki dziasiatkaŭ myšej śpiecyjalnym «johurtam» z Lactobacillus rhamnosus na praciahu miesiaca. Padobnaja dyjeta, pa ich słovach, pavysiła ščylnaść kaściej hryzunoŭ na 10%, što prykmietna źniziła ryzyku raźvićcia asteaparozu i pierałomaŭ u stałyja hady žyćcia.
Pryčynaj hetaha, jak vyjavili navukoŭcy, byli dźvie rečy - dadzienyja bakteryi stymulavali rost inšych mikrobaŭ ź siamiejstva Clostridium, jakija vyłučali vialikija kolkaści butyratu, abo alejnaj kisłaty. Heta rečyva, u svaju čarhu, pranikała ŭnutr kaściavoha mozhu i pavyšała aktyŭnaść hiena Wnt10b, adnaho z hałoŭnych stymulataraŭ rostu kaścianoj tkanki.
«U minułym my spračalisia pra toje, ci pracujuć prabijotyki i kali heta tak, jakija ź ich najbolš karysnyja. Akazałasia, što jany sapraŭdy ŭpłyvajuć na zdaroŭje kostak. Pakul nie zrazumieła, jakija ź ich samyja karysnyja, ale pastupova stanovicca jasna, što kolkaść mikrobaŭ u prabijotyku ŭpłyvaje na jaho ŭłaścivaści nie mienš, čym sam vid bakteryj», — zaklučaje Pacyfisi.
