U vieraśni Biełaruś pieramahła ŭ Minsku Luksiemburh ź likam 1:0, fota Dźmitryja Bruško, Tut.by.
UEFA zrabiła niakiepski padarunak zaŭziataram zbornych, što znachodziacca na zadvorkach futbolnaj cyvilizacyi. Adzinuju pucioŭku na Jeŭra-2020 atrymaje zbornaja, što pieramoža ŭ dyvizijonie D (jaki abjadnoŭvaje najsłabiejšyja zbornyja Jeŭropy).
Nahadajem, što ŭ ramkach Lihi Nacyj 16 samych słabych zbornych byli raźbityja na čatyry hrupy. Biełarusy trapili ŭ hrupu D2 da Luksiemburha, Małdovy i San-Maryna. Čatyry tury ŭžo prajšli.
Stanovišča kamandaŭ: Luksiemburh — 9, Biełaruś — 8, Małdova — 5, San-Maryna — 0.
Siońnia ŭ haściach kamanda Biełarusi zhulaje ź Luksiemburham (pačatak u 22:45).
Pieramoha ŭ hetym matčy faktyčna harantuje vychad u płej-of Lihi nacyj. U niadzielu Biełaruś zhulaje ŭ haściach z San-Maryna, a Małdova doma prymie Luksiemburh.
Ničyja siońnia pakidaje šancy na płej-of, ale treba, kab Małdova ŭ niadzielu nie prajhrała Luksiemburhu.
Stanovišča ŭ inšych hrupach:
Ad hrupy D1 pucioŭku sabie harantavała Hruzija.
D3: Kosava — 8, Azierbajdžan — 6, Farery — 4, Malta — 2.
D4: Makiedonija — 9, Hibrałtar, Armienija — 6, Lichtenštejn — 3.
Losavańnie płej-of projdzie 2 śniežnia, a sam turnir, jaki vyznačyć pieramožcu dyvizijona D, adbudziecca ŭ nastupnym hodzie.