Śledčyja vyjavili novyja abstaviny zabojstva 28-hadovaj žycharki Viciebska ŭ Loźnienskim rajonie, paviedamiła BiełTA aficyjny pradstaŭnik USK pa Viciebskaj vobłaści Aksana Łaźko.
Jak pakazała sudova-miedycynskaja ekśpiertyza, žančyna była žyvaja ŭ momant pachavańnia. Zabojstva adbyłosia 18 vieraśnia ŭ pramiežak času z 16.30 pa 20.30.
U vieraśni ŭ milicyju źviarnułasia 24-hadovaja žančyna i paviedamiła, što ŭ dačynieńni da jaje znajomaj ździejśnienyja supraćpraŭnyja dziejańni. Paźniej vyśvietliłasia, što ŭ lesie ŭ Loźnienskim rajonie było znojdziena zakapanaje cieła žančyny. Napiaredadni trahiedyi zahinułaja adpačyvała doma ŭ kampanii znajomych. Paśla zastolla jana razam z mužčynam i žančynaj z toj ža kampanii pajechała ŭ les. Tut joj nanieśli niekalki udaraŭ i pachavali.
Na dadzieny momant 21-hadovamu mužčynu i 24-hadovaj žančynie vystaŭlena abvinavačańnie na padstavie č.2 art.139 KK (zabojstva, ździejśnienaje pry abciažvajučych abstavinach). Jany pad vartaj.
Taksama cikava, što ŭ chodzie śledstva paćvierdziŭsia namier abvinavačanaha zdavać kvateru zahinułaj. Na adnym ź internet-resursaŭ była abjava, jakuju toj paśpieŭ raźmiaścić paśla złačynstva
Niekalki razoŭ udaryli pa hałavie, a potym zakapali cieła pad drevam: u Viciebsku žorstka zabili 28-hadovuju žančynu
