Finlandyja pavinna zapatrabavać u Rasii terytoryi, jakija taja atrymała pa vynikach Saviecka-finskaj vajny. Pra heta ŭ siabie ŭ Twitter zajaviŭ člen praŭleńnia partyi «Sapraŭdnyja finy» Chienry Chautamiaki (Henri Hautamäki).
Na vosieńskaj kanfierencyi siabry moładzievaha kryła nacyjanalistyčnaj partyi vyrašyli abjavić, što kraina pavinna viarnucca da miežaŭ 1939 hodu. Razam z paviedamleńniem Chautamiaki apublikavaŭ kartu z paznačanymi na joj sprečnymi ziemlami.
Nacyjanalisty chočuć viarnuć Finlandyi niekalki rajonaŭ Respubliki Karelija pobač z Ładažskim vozieram. Akramia taho, jany prapanujuć zabrać Piačenhskuju vobłaść - rehijon Kolskaha paŭvostrava płoščaj prykładna 10 tysiač kvadratnych kiłamietraŭ - i ŭschodniuju častku rehijonu Sała, jakaja ciapier znachodzicca ŭ składzie Murmanskaj vobłaści.
Partyja «Praŭdzivyja finy» isnuje z 1995 hoda. Jaje ideałohiju vyznačajuć jak nacyjanalizm, papulizm i jeŭraskieptycyzm. Na dadzieny momant partyja maje 17 z 200 miescaŭ u parłamiencie krainy.
