Da 1 śniežnia ŭ Biełarusi stvorać bazu dadzienych nie zaniataha ŭ ekanomicy nasielnictva, piša TUT.BY. Biełarusam užo stali prychodzić papiarovyja listy z prośbaj paćvierdzić svaju zaniataść.
Tyja, chto nie paćvierdzić zaniataść, ad 1 studzienia buduć apłačvać pa poŭnych taryfach haračaje vodazabieśpiačeńnie, a ad 1 kastryčnika nastupnaha hoda - hazazabieśpiačeńnie i ciepłazabieśpiačeńnie.
Heta značyć praz hod - u listapadzie 2019-ha - utrymancy, u jakich jość va ŭłasnaści žyllo, atrymajuć «poŭnyja» žyroŭki. Jakija sumy jany ŭbačać u płaciežkach pry ciapierašnich 100-pracentnych taryfach?
Poŭnaja apłata ŽKP faktyčna zakranie nie ŭsich biełarusaŭ, jakich zaličać da niezaniatych u ekanomicy, a tolki tych, jakija majuć va ŭłasnaści kvatery, na jakich aformlenaja damova arendy.
Tak, kali ŭłaśnikam «dvuški» źjaŭlajecca «darmajed», a razam ź im zarehistravanyja jašče dvoje niedarmajedaŭ, to jon apłačvaje pa ekanamična abhruntavanych taryfach tracinu za aciapleńnie, padahreŭ vady i hazazabieśpiačeńnie. Astatnija dźvie traciny kamunałki za zarehistravanych niedarmajedaŭ u kvatery buduć apłačvacca pa subsidavanych taryfach.
Da prykładu, kali syn nie zaniaty ŭ ekanomicy, ale płacielščykam ŽKP źjaŭlajecca maci, jany buduć apłačvać ŽKP pa zvyčajnych taryfach, a nie pa poŭnym košcie. Kali ž ułaśnik žylla apynuŭsia ŭ liku nie zaniataha ŭ ekanomicy nasielnictva, a razam ź im zarehistravanyja paŭnaletnija dzieci, to svaju častku kamunałki «darmajed» budzie apłačvać pa poŭnych taryfach, astatnija — pa lhotnych.
Jak źmieniacca sumy ŭ žyroŭkach
U mienskaj «adzincy» na 37,8 kvadrata, u jakoj zarehistravany adzin čałaviek, žyroŭka za kastryčnik paciahnuła na 29,47 rubla.
Za haračaje vodazabieśpiačeńnie treba zapłacić 2,28 rubla, a za aciapleńnie - 5,98 rubla. Kali b hetyja pasłuhi ličyli pa poŭnych taryfach, to sumy skłali b 10,95 rubla i 28,78 rubla adpaviedna.
Hazazabieśpiačeńniem, jakoje «darmajedy» buduć apłačvać pa poŭnych taryfach z kastryčnika 2019 hoda, u hetaj kvatery nie karystajucca.
To bok, kali ŭ «adzincy» na 37,8 kvadrata žyvie tolki adzin «darmajed», jaki adnačasova źjaŭlajecca ŭłaśnikam žylla, to žyroŭka ahułam vyraście na 31,47 rubla.
Pry 100-pracentnaj apłacie ahulnaja suma płaciožki za ŽKP skłała b 60,94 rubla. Pry hetym u bolš chałodnyja miesiacy, čym sioletni kastryčnik, na aciapleńnie budzie sychodzić bolš srodkaŭ.
