Placoŭkaj dla finalnaha šou stanie spartkompleks «Minsk-Arena», paviedamlaje BiełTA.
Za hałoŭny trafiej «Jeŭrabačańnia» - kryštalny mikrafon - buduć zmahacca pradstaŭniki 20 krain - heta rekordnaja kolkaść za ŭsiu historyju konkursu. Pryčym sioleta ŭpieršyniu biaruć udzieł u dziciačym «Jeŭrabačańni» junyja vykanaŭcy z Kazachstana i Uelsa.
Ad Biełarusi vystupić Daniel Jastremski, pad vośmym numaram jon śpiaje pieśniu «Time».
Pieramožcu abiaruć pa sumie adznak nacyjanalnych žury ad kožnaj z dvaccaci krain-udzielnic i hladackaha anłajn-hałasavańnia, jakoje praciahniecca na aficyjnym sajcie konkursu až da pačatku finału. Paśla žyvoha vystupleńnia ŭsich kankursantaŭ anłajn-hałasavańnie adnovicca, ale tolki na 15 chvilin.
Abrać možna ad troch da piaci ŭpadabanych artystaŭ, u tym liku i pradstaŭnika svajoj krainy.
Kancert dziciačaha «Jeŭrabačańnia 2018» pačniecca a 18.00. Pramuju tranślacyju buduć vieści telekanały «Biełaruś 1» i «Biełaruś 24», a taksama sajt Biełteleradyjokampanii i aficyjny sajt dziciačaha» Jeŭrabačańnia».
