Kiraŭniki dziaržaŭ i ŭradaŭ krain Jeŭrasajuza ŭchvalili pahadnieńnie ź Vialikabrytanijaj ab «Breksicie», piša dw.com.
Na pazačarhovym samicie ŭ Bruseli ŭ niadzielu, 25 listapada, lidary jeŭrapiejskich krainaŭ padpisali 585-staronkavuju damovu ab vychadzie Vialikabrytanii ź Jeŭrasajuza, jaki byŭ uzhodnieny 13 listapada.
Kiraŭnik delehacyi ES na pieramovach pa «Breksicie» Mišel Barńje padkreśliŭ, što pahadnieńnie nie ŭciskaje intaresy Łondana, i «my zastaniemsia chaŭruśnikami, partniorami i siabrami».
Kiraŭnik Jeŭrakamisii Žan-Kłod Junkier, jaki napiaredadni sustreŭsia ŭ Brusieli z premjer-ministram Vialikabrytanii Terezaj Mej, ličyć, što brytanski parłamient taksama padtrymaje pahadnieńnie. U toj ža čas jon nazvaŭ «Breksit» trahiedyjaj jak dla Vialikabrytanii, tak i dla inšych krain ES.
Napiaredadni Ispanija ŭrehulavała z Bruselem i Łondanam situacyju vakoł brytanskaha ankłava Hibrałtar. U svaju čarhu Mej ŭ zvarocie da nacyi, apublikavanym u ŚMI, zaklikała suajčyńnikaŭ padtrymać prajekt uhody pa «Breksicie».
Pahadnieńnie ź ES jašče pavinna być uchvalena Pałataj abščyn Vialikabrytanii i Jeŭraparłamientam. Naziralniki adznačajuć, što mnohija brytanskija deputaty nastrojenyja hałasavać suprać damovy.