Pieršamajski rajonny sud Krasnadara admianiŭ administracyjny aryšt dla repiera Chaski (Dźmitryja Kuźniacova), paviedamiła RBK kaardynatar pravaabarončaha prajektu «Adkrytaj Rasii» Palina Niemiroŭskaja.
«Sudździa zadavoliła zajavu abarony pra spynieńnie adbyćcia aryštu. Pastanova ŭstupaje ŭ siłu nieadkładna», - dadała jana.
Pra toje, što administracyjny aryšt Dźmitryja Kuźniacova admienieny, taksama paviedamiŭ na svajoj staroncy ŭ fejsbuku jahony advakat Alaksiej Avaniesian.
22 listapada Chaski atrymaŭ 12 sutak aryštu. Paśla taho, jak u Krasnadary sarvali jaho kancert, jon vyjšaŭ na vulicu da prychilnikaŭ i vykanaŭ dla ich svaju pieśniu, stojačy na dachu aŭtamabila. Paśla hetaha muzykanta zatrymali.
Siońnia ŭ Maskvie pavinien prajści kancert ŭ padtrymku vykanaŭcy, jaki arhanizujuć repery Aksimiron, Basta i Noize MC.
Repieru Chaski admianili kancert, jon dla fanataŭ praśpiavaŭ na vulicy. U vyniku byŭ zatrymany, i jamu pahražajuć dziasiatki sutak aryštu
