Fota Voli Aficeravaj
Siaredni zarobak u 2019 hodzie płanujecca ŭ Biełarusi na ŭzroŭni nie mienš za 1025 rubloŭ, u biudžetnaj śfiery - 820 rubleŭ. Pra heta paviedamiŭ siońnia žurnalistam premjer-ministr Siarhiej Rumas pa vynikach narady ŭ kiraŭnika dziaržavy, piša BiełTA.
«Siaredni zarobak pavinien skłaści ŭ nastupnym hodzie nie mienš za 1025. Zarpłata ŭ biudžetnym siektary pavinna być nie mienš za 80% ad siaredniaj zarabotnaj płaty, to bok, na ŭzroŭni 820 - heta ŭ siarednim pa hodzie», - raspavioŭ Siarhiej Rumas.
Pavodle jaho słoŭ, urad taksama płanuje u 2019 hodzie praciahnuć zbližeńnie minimalnaj zarpłaty i minimalnaha spažyvieckaha biudžetu, kab z 1 studzienia 2020 hodu hetyja vieličyni zraŭnialisia. «Pa našym siońniašnim acenkam, minimalnaja zarpłata z 1 studzienia 2020 składzie Br377», - dadaŭ premjer-ministr
Nahadajem, što siaredni zarobak za kastryčnik skłaŭ 999,7 rubla (471 dalar u ekvivalencie).
