Biełaruski vystaŭlajuć u internet svaje śpievy, kab prabicca ŭ rasijski hurt «Sieriebro» VIDEA 4
U kancy listapada na aficyjnaj staroncy hrupy Maksa Fadziejeva «Sieriebro» źjaviłasia infarmacyja pra toje, što siońniašni skład praciahvaje svaju dziejnaść da lutaha 2019 hoda i raspadajecca.
Salistka Volha Siarabkina raspaviała, što budzie ščylna pracavać nad svaim solnym prajektam Molly, inšyja dziaŭčaty taksama, chutčej za ŭsio, zastanucca ŭ muzycy, ale ŭžo ŭ inšych ampłua.
Adrazu ž paśla hetaj naviny pradziusar Maks Fadziejeŭ abjaviŭ novy kastynh: spačatku troch novych vakalistak źbiralisia šukać da 4 śniežnia, ale ŭ pracesie było vyrašana praciahnuć kastynh jašče na 2 dni. Pryčyny na toje dźvie: pa-pieršaje, vialikaja kolkaść udzielnic (bolš 20 tysiač), pa-druhoje, toje, što da kastynhu padklučylisia łejbły ź Ispanii, Francyi i Italii, prapanavaŭšy Fadziejevu svaich artystak. Praŭda, pradziusar adznačyŭ, što chacieŭ by, kab u hurcie śpiavali dziaŭčaty z Rasii, bo «my ž možam».
Razam z hetym pasprabavać svaje siły ŭ kastynhu vyrašyli dziaŭčaty nie tolki z Rasii. Videaśpievy ŭ internet vykładajuć i artystki z Ukrainy, Kazachstana, Izraila, Biełarusi i inšych krain.
My znajšli niekalkich pretendentak na miesca ŭ abnoŭlenym hurcie. Padtrymajcie ziamlačak łajkami!
Cikava, što siońnia Maksim Fadziejeŭ vykłaŭ u svoj instahram važnuju zaŭvahu-pažadańnie da ŭsich udzielnic kastynhu:
«My bačym nadzimanyja vusny, cycki, pieraroblenyja tvary, nasy… Ale my šukajem naturalnych dziaŭčat! Navošta vy heta robicie? Heta ž nie padabajecca mužčynam! Dasyłajcie nam nie svaje vusny, a hałasy i talenty».
