 Fota realmadrid.com |
«Juvientus» — BATE — 0:0.
Barysaŭski BATE matčam u Turynie zaviaršyŭ dla siabie bliskučy siezon. Naša kamanda tak ni razu i nie sastupiła pieramožcu našaj hrupy.
Anturaž hulni zusim nie adpaviadaŭ Lizie čempijonaŭ. Zanadta mała amataraŭ kalčył pryjšło na stadyjon «Alimpika», kab padtrymać svoj kłub.Ciažka skazać, što tamu vina — chałodnaje nadvorje, nie samy mocny supiernik, ci daterminovy vychad «Juvientusa» u 1/8 finału.
Pieršy tajm prajšoŭ biez ahieńčyka. «Juvientus» atakavaŭ, ale da realnych pahrozaŭ uładańniam Vieramka sprava nie dachodziła. BATE taksama nie moh stvaryć niešta la čužych varot. Chiba što tolki Michaił Sivakoŭ pulnuŭ sa štrafnoha, ale prosta ŭ ruki hałkipiera.
U druhim tajmie hulnia pajšła viesialej. Usio ž najpierš dziakujučy namahańniam haspadaroŭ. Spačatku miač trapiŭ u našu štanhu, kali ŭ varoty trapić było našmat lahčej.
A potym za hulniu Sivakova rukoj va ŭłasnaj štrafnoj sudździa z Kipru pryznačyŭ u biełaruskija varoty pienalci — Džavinka prabiŭ vyšej.
«Juvientus» byŭ vymušany puścić u chod ciažkuju artyleryju — na zamienu vyjšaŭ lehiendarny Del Pjera. Forvard niekalki razoŭ abvastraŭ hulniu la našych varot, ale Vieramko dziejničaŭ biezdakorna.
Za chvilin piać da finalnaha śvistka BATE ŭvohule moh vyrvać pieramohu, ale Hienadź Bliźniuk pramachnuŭsia ź vielmi vyhadnaha stanovišča. A ŭžo ŭ dadatkovy čas sa štrafnoha mocna prabiŭ Paša Niachajčyk. Na žal, niedakładna.
Matč tak i skončyŭsia ź pieršapačatkovym likam — 0:0.
Takim čynam, BATE zaviaršyŭ jeŭrakubkavy siezon. Nahadajem, što ciaham jaho kamanda syhrała 12 matčaŭ. Kamanda trapiła ŭ Lihu čempijonaŭ pa čarzie pieramohšy čempijonaŭ Isłandyi («Valur»), Bielhii («Anderlecht») i Bałharyi («Leŭski»). U hrupavym turniry barysaŭcy dvojčy syhrali ŭničyju z «Juvientusam» — 2:2, 0:0, nie prajhrali ŭ Piciery «Zienitu» — 1:1, 0:2, tolki ŭ madrydskaha «Reała» punktaŭ adabrać nie ŭdałosia.
U druhim matčy hrupy ŭ Madrydzie «Reał» razhramiŭ «Zienit» 3:0 (Raul, 25, 57, Rabien, 50).
Turnirnaje stanovišča vyhladaje nastupnym čynam: «Juvientus» — 12 punktaŭ, «Reał» — 12, «Zienit» — 5, BATE — 3.
Ciapier pahladzim, ci atrymajecca niekamu z BATE hetaj zimoj pierajści ŭ dobryja jeŭrapiejskija kłuby.
