Kiraŭnik Kamiteta Viarchoŭnaj Rady pa pytańniach kultury i duchoŭnaści Mikałaj Kniažycki prapanoŭvaje padniać kvotu na ŭkrainskuju movu na telebačańni ź ciapierašnich 75% da 90%, paviedamlaje «Tielekritika».
Adpaviednaja norma budzie prapisanaja ŭ zakonaprajekcie №5670-d «Ab zabieśpiačeńni funkcyjanavańnia ŭkrainskaj movy jak dziaržaŭnaj», pryniatym ukrainskim parłamientam 4 kastryčnika ŭ pieršym čytańni.
«My ciapier pracujem nad hetym zakonam, rychtujem jaho da druhoha čytańnia. Siońnia źbirajecca hrupa deputataŭ z našaha kamiteta, jakija praciahvajuć dapracoŭvać zakon da druhoha čytańnia. (…) Vidavočna my idziem da taho, kab na ahulnanacyjanalnych ŭkrainskich telekanałach 100% abo 90% viaščańnia było na dziaržaŭnaj movie. Čamu ja kažu 90%? U našaj krainie vielmi šmat nacyjanalnych mienšaściaŭ, ich pravy, biezumoŭna, pavinny być abaronieny. Jak na polskim telebačańni vychodzić prahrama na ŭkrainskaj, tak i ŭ nas moža vychodzić prahrama na polskaj, rumynskaj, vienhierskaj movach. 10%, jak pa mnie, dla hetaha dastatkova», — adznačyŭ ukrainski deputat.
