president.gov.ua
U Ruskaj pravasłaŭnaj carkvie (RPC) nazvali kananična nikčemnym abjadnaŭčy sabor u Kijevie, jaki abviaściŭ pra stvareńnie ŭkrainskaj pamiesnaj carkvy, abraŭšy jaje kiraŭnikom pradstaŭnika UPC Kijeŭskaha patryjarchata Jepifanija. Pra heta paviedamlaje «Interfaks».
Namieśnik kiraŭnika adździeła źniešnich carkoŭnych suviaziaŭ Maskoŭskaha patryjarchata protaijerej Mikałaj Bałašoŭ nazvaŭ sabor «niekananičnym schodam» pad kiraŭnictvam śvieckaha čałavieka i kiraŭnika dziaržavy, «a taksama pryjezdžaha čałavieka, jaki ničoha nie razumieje na miascovaj movie». «Dla nas heta padzieja zusim ničoha nie aznačała», — zajaviŭ Bałašoŭ.
Jon dadaŭ, što nie razumieje, na što spadziavalisia dva archijerei Ukrainskaj pravasłaŭnaj carkvy Maskoŭskaha patryjarchata, jakija pryjšli na sabor. «Škada ich usich. Sumnaja dola», — adznačyŭ protaijerej.
Na sabory ŭ Kijevie stvorana adzinaja Ukrainskaja pravasłaŭnaja carkva i abrany jaje kiraŭnik
