shutterstock.com
U chodzie vizitu Alaksandra Łukašenki ŭ Maskvu ŭ subotu, 29 śniežnia, lidary dźviuch krain abmiarkujuć, «jak być z damovaj 1999-ha hoda» ab stvareńni Sajuznaj dziaržavy, a taksama finansavyja zapyty Minska. Pra heta skazaŭ pres-sakratar prezidenta Dźmitryj Piaskoŭ, pieradaje RBK.
«Tut pazicyi absalutna zrazumiełyja i paśladoŭnyja, mnohija pytańni mohuć abmiarkoŭvacca tolki na najvyšejšym uzroŭni, i tolki ź jaho moža być spuščana aryjenciroŭka, u jaki bok pracavać rabočaj hrupie», — skazaŭ jon.
Roznahałośsi pamiž dźviuma sajuźnicami ŭźnikli z-za nafty i hazu. Rasija płanuje da 2024 hoda abnulić ekspartnuju pošlinu na naftu i naftapradukty i padniać staŭku padatku na zdabyču karysnych vykapniaŭ. Biełaruś, jakaja atrymlivaje rasijskuju naftu biez myta, aścierahajecca, što z-za padatkovaha manieŭru jaje košt dla krainy vyraście, i Minsk hublaje bolš za $10 młrd za šeść hadoŭ. Biełaruś nastojvaje na kampiensacyi. U Maskvie nastojvajuć, što padatkovy manieŭr — unutranaja sprava Rasii, adznačaŭ pieršy vice-premjer i ministr finansaŭ Anton Siłuanaŭ.
