Alaksandr Łukašenka padaryŭ lidaram krain SND da Novaha hoda ekskluziŭnyja jołačnyja šary ručnoj pracy, a Pucinu — sała z bulbaj. Pra heta pres-sakratarka kiraŭnika dziaržavy Natalla Ejsmant raspaviała ŭ efiry viačerniaha šou «Makajonka, 9».
U administracyi prezidenta doŭha dumali nad roznymi varyjantami padarunkaŭ dla kiraŭnikoŭ dziaržaŭ i ŭ vyniku spynilisia na ŭnikalnych jołačnych šarach ručnoj raboty.
Niefarmalnaja sustreča lidaraŭ Sadružnaści adbyłasia 6 śniežnia ŭ Sankt-Pieciarburhu, na joj prezidentam i ŭručyli padarunki ź Biełarusi.
«Takija šary ciapier visiać na navahodnich jalinkach va ŭsich lidaraŭ krain SND», — skazała Ejsmant.
Uładzimiru Pucinu Łukašenka prezientavaŭ sała i niekalki elitnych hatunkaŭ bulby, pryčym kožny ź ich pryznačajecca dla hatavańnia kankretnych straŭ. Jak patłumačyła Natalla Ejsmant, Pucin sam paprasiŭ pra hetyja padarunki, adkazvajučy na pytańnie Łukašenki, što jamu jašče padaryć na Novy hod.