Fota z Wikimedia
Z 5 studzienia Centralny čyhunačny vakzał u Varšavie budzie nasić imia Stanisłava Maniuški, piša kp.by.
Inicyjatyvu prasunuli pradstaŭniki Tavarystva amataraŭ muzyki Maniuški, pieradaje polskaje Radio Zet. Ideju ahučyli jašče čatyry hady tamu, ale da realizacyi dajšła tolki ciapier.
2019 hod sienat Polščy abjaviŭ hodam Maniuški — u honar 200-hodździa z dnia naradžeńnia vialikaha kampazitara.
Stanisłaŭ Maniuška naradziŭsia ŭ 1819 hodzie ŭ falvarku Ubiel pad Minskam (sučasny Červieński rajon), potym pierajechaŭ z baćkami ŭ Minsk. U stalicy zachavaŭsia dom, dzie žyła jaho siamja, i himnazija, u jakoj vučyŭsia budučy vialiki muzykant.
Stanisłaŭ Maniuška — adzin z pačynalnikaŭ biełaruskaj opiery. Jon razam z Duninym-Marcinkievičam u 1852 hodzie napisaŭ opieru «Sielskaja idylija» na biełaruskaj movie.
Pomnik Maniušku i Duninu-Marcinkieviču staić na płoščy Svabody ŭ centry Minska.
