dinamo-brest.by
Arhiencinski śpiecyjalist Dyjeha Maradona, jaki prapuściŭ pačatak pieradsiezonnych zboraŭ mieksikanskaha «Daradasa», vierniecca da pracy ŭ kłubie. Pra heta paviedamiŭ ahient arhiencinca Macijas Morli ŭ svaim tvitar-akaŭncie.
Paśla miedycynskaha abśledavańnia na radzimie 58-hadovy trenier vierniecca ŭ raźmiaščeńnie «Daradas». Morli śćviardžaje, što Maradona adpracuje reštu siezonu.
29 śniežnia stała viadoma, što «Daradas» pačali pieradsiezonnuju padrychtoŭku biez Maradony. U kłubie čakali prybyćcia śpiecyjalista 26 śniežnia, adnak jon nie abjaviŭsia. Źniknieńnie śpiecyjalista źviazvali ź jaho roznahałośsiami z kiraŭnictvam kamandy ź Sinałoa. Maradona nibyta byŭ niezadavoleny tym, što «Daradas» nie atrymali ŭzmacnieńnia.
Maradona pracuje ŭ Mieksicy z vosieni 2018 ha, pry hetym, imavierna, zachavaŭ za saboj pasadu ŭ praŭleńni bresckaha «Dynama».
«Daradas» nie nadta ŭdała zaviaršyli pieršuju pałovu čempijanatu: kłub raźmiaściŭsia na siomym miescy ŭ turnirnaj tablicy.