Pravasłaŭnyja ŭ Biełarusi śviatkujuć Rastvo. Usianočnyja słužby prachodzić va ŭsich pravasłaŭnych chramach krainy.
Śviatkavańnie Rastva pačynali ŭviečary 6 studzienia śviatočnaj viačeraj.
U chryscijanskaj tradycyi ličycca, što ab časie i miescy naradžeńnia Isusa Chrysta vałchvam paviedamiła Viflejemskaja zorka, jakaja ŭzyšła na niebaschile z nastupleńniem ciemry. Mienavita tamu śviatočnaja viačera pačynałasia ŭviečary sa źjaŭleńniem pieršaj zorki i prachodziła ŭ strohim maŭčanni.
6-7 studzienia Rastvo taksama śviatkujuć va Ukrainie, Rasii, Sierbii, Hruzii, pravasłaŭnyja ŭ Polščy i krainach Bałtyi.
25 śniežnia Rastvo śviatkavali ryma-katoliki, hreka-katoliki, pratestanty, a taksama pravasłaŭnyja cerkvy ŭ Hrecyi, Bałharyi, Rumynii, Čechii, Amierycy, a taksama Usialenski patryjarchat. 6 studzienia Rastvo śviatkujuć u Armienii.
Z Rastvom!
