Piataha studzienia ŭ Maładziečanski HRANS z RAUS paviedamili pra toje, što ŭ abharełaj kvatery pa vulicy Drazdoviča znajšli trup žančyny.
Na miesca vyjechali supracoŭniki HRANS, RAUS, rajonnaha adździeła Śledčaha kamiteta i prakuratury.
Kali jany pryjechali, hareńnia i zadymleńnia ŭ kvatery nie było. Vyśvietlili, što 5 studzienia paśla 16.00 22-hadovy syn zahinułaj, student Połackaha ŭniviersiteta, pryjechaŭ da maci na vychadnyja i znajšoŭ jaje trup na padłozie ŭ kvatery. Chłopiec patelefanavaŭ u «chutkuju dapamohu» i ŭ milicyju. Miedyki, jakija pryjechali pa vykliku, kanstatavali śmierć.
Padčas ahladu cieła bačnych apiokaŭ na ciele zahinułaj nie było.
Apaviaščalnik u kvatery nie ŭstanoŭleny.
Pažar źniščyŭ kanapu ŭ pakoi, zakuranyja stol, ścieny i majomaść.
U HRANS pra pažar u kvatery nichto nie paviedamlaŭ, raskazała inśpiektar prapahandy i ahitacyi Maładziečanskaha HRANS Valancina Sopat.
Pryčynu zdareńnia vyśviatlajuć. Razhladajuć nieaściarožnaje abychodžańnie z ahniom padčas kureńnia.
