Ministr abarony Hrecyi Panas Kamienas padaŭ u adstaŭku ŭ znak pratestu suprać uhody z Makiedonijaj, zhodna ź jakoj Afiny nie buduć pieraškadžać sprobam Skopje dałučycca da NATA i ES. Pra heta paviedamlaje Reuters.
Jak adznačaje ahienctva, Kamienas daŭno vystupaŭ suprać damovy z Makiedonijaj, jakuju Afiny padpisali 17 červienia 2018. Zhodna z hetaj uhodzie Hrecyja nie budzie pieraškadžać ŭstupleńni Makiedonii ŭ NATA i ES, kali Skopje, u svaju čarhu, pieranazavie krainu ŭ Respubliku Paŭnočnaja Makiedonija. 11 studzienia makiedonski parłamient padtrymaŭ inicyjatyvu ab pierajmienavańni krainy.
«Sprava ab pierajmienavańni Makiedonii … nie dazvalaje mnie nie achviaravać kresłam ministra», - zajaviŭ Kamienas paśla sustrečy z premjer-ministram Hrecyi Aleksisam Cyprasam. Jon dadaŭ, što za im u adstaŭku mohuć syści jašče šeść ministraŭ.
Da ciapierašniaha momantu Hrecyja błakavała ŭstupleńnie Makiedonii ŭ jeŭrapiejski błok i Paŭnočnaatłantyčny aljans. Afiny ličyli, što Skopje budzie pretendavać na hreckuju pravincyju Makiedonija z-za jaje nazvy.
