112.by
13 studzienia padčas pažaru ŭ pinskim internacie paciarpieła 4-hadovaje dzicia, jakoha zamknuła ŭ pakoi mama, paviedamlaje pres-słužba MNS.
Kala 20.35 vyratavalnikam pastupiŭ sihnał ab sihnalizacyi ŭ internacie na praśpiekcie Žaŭtoŭskaha. Pažarnyja vyjavili zadymleńnie ŭ adnym z błokaŭ na 6 paviersie.
Da prybyćcia ratavalnikaŭ vachcior i susiedka vyratavali z pałajučaha pakoja čatyrochhadovaha chłopčyka. Jon znachodziŭsia ŭ zakrytym pamiaškańni, dzie na uklučanaj elektraplicie padharała pakinutaja biez nahladu ježa. Pavodle papiaredniaj infarmacyi na momant zdareńnia maci była ŭ znajomych na 9 paviersie, a hramadzianski muž znachodziŭsia ŭ milicyi za siamiejny skandał.
Chłopčyka pieradali bryhadzie chutkaj miedycynskaj dapamohi. Paśla ahladu jaho špitalizavali z papiarednim dyjahnazam «vostraje atručvańnie praduktami hareńnia».
