U Brasłaŭskim rajonie sabaka spravakavaŭ DTZ i dačakaŭsia pryjezdu DAI. Zdareńnie adbyłosia ranicaj 14 studzienia na 21-m kiłamietry aŭtadarohi «Brasłaŭ — Pastavy — Miadzieł». Sabaka raptoŭna vybieh na darohu pierad aŭtamabilem «UAZ», jakim kiravaŭ 37-hadovy žychar Brasłava. Vadziciel zatarmaziŭ, i mašyna, jakaja straciła kiravańnie, apynułasia na sustrečnaj pałasie ruchu i sutyknułasia z saniami.
Jak infarmuje pres-słužba DAI Viciebskaj vobłaści, traŭmy atrymaŭ 61-hadovy mužčyna, jaki jechaŭ na saniach. Jaho špitalizavali ŭ Brasłaŭskuju centralnuju rajonnuju balnicu.
Na zdymkach DAI vidać, što sabaka padčas raźbiralnictva zastavaŭsia na miescy DTZ.
vk.com/vitebsk__jai
0
0
0
0
0
0