«Minsktrans» skłaŭ dahavor z ZAT «Miechatronika» na ŭstanoŭku 1000 datčykaŭ Eurosens Dominator RS. Kupili taksama prahramnaje zabieśpiačeńnie, z dapamohaj jakoha ŭ režymie realnaha času možna atrymlivać infarmacyju pra ŭzrovień paliva ŭ bakach, bačyć jaho raschod pry pracy na linii i znachodžańni na terytoryi filijała (stajanka, myjka, ramontnaja majsternia).
Asnaščeńnie aŭtobusaŭ datčykami, ličać u «Minsktransie», zrobić praces uliku paliva bolš dakładnym i pravilnym, dazvolić efiektyŭna analizavać spažyvańnie i prymać apieratyŭnyja zachady dla likvidacyi pryčyn pieraraschodu. Akramia taho, zaraz budzie praściej vyjaŭlać i papiaredžvać vypadki niesankcyjanavanych źlivaŭ i niapoŭnych zapravak, padkreślili ŭ vytvorča-techničnym adździele pradpryjemstva.
