Były dyrektar Respublikanskaha navukova-praktyčnaha centra traŭmatałohii i artapiedyi Alaksandr Bialecki niekalki tydniaŭ tamu pakinuŭ SIZA KDB. Pra heta Tut.by raspaviali dźvie krynicy, nie źviazanyja pamiž saboj.
«Z 7 studzienia jon doma», — skazaŭ adzin sa znajomych Bialeckaha. «Taksama čuŭ, što Alaksandra Valancinaviča vyzvalili. Ale nie dumaju, što kropku [ŭ jaho spravie] pastavili», — ličyć druhaja krynica.
U pres-słužbie KDB admovilisia ad kamientaroŭ.
Pra zatrymańnie Bialeckaha stała viadoma letam minułaha hoda ŭ chodzie maštabnaj śpiecapieracyi siłavikoŭ pa «spravie miedykaŭ». Staršynia KDB Valeryj Vakulčyk zajaviŭ, što Alaksandr Bialecki byŭ źniavoleny za arhanizacyju praviadzieńnia techničnaha absłuhoŭvańnia i ramontu miedabstalavańnia z boku kamiercyjnych struktur i svoječasovuju płatu za akazanyja pasłuhi. Pry praviadzieńni pieratrusu ŭ jaho haražy i pa miescy žycharstva ŭ schovankach znajšli kala 500 tysiač dalaraŭ u ekvivalencie, adznačyŭ Vakulčyk.
