Ispanija pryznaje staršyniu Nacyjanalnaj asamblei (adnapałatnaha parłamienta) Vieniesueły Chuana Huajdo časovym prezidentam krainy, kali dziejny kiraŭnik dziaržavy Nikałas Madura na praciahu vaśmi dzion nie abvieścić ab praviadzieńni daterminovych vybaraŭ. Pra heta napisaŭ u Twitter premjer-ministr Ispanii Pedra Sančes.
Kiraŭnik ispanskaha Kabmina zaklikaŭ «nieadkładna pravieści čystyja i demakratyčnyja vybary», zapeŭniŭšy, što Madryd pryznaje lehitymnaść Nacyjanalnaj asamblei Vieniesueły.
Anałahičnaje rašeńnie pa Huajdo prymie i Paryž, paviedamiŭ u Twitter prezident Francyi Emaniuel Makron. «Narod Vieniesueły pavinien mieć mahčymaść svabodna vyrašać svaju budučyniu. U vypadku, kali vybary nie buduć abvieščanyja na praciahu vaśmi dzion, my budziem hatovyja pryznać Huajdo prezidentam Vieniesueły, kab zapuścić palityčny praces», - napisaŭ prezident.
Francyja ŭžo pracuje nad hetym razam sa svaimi jeŭrapiejskimi partniorami, padkreśliŭ Makron. Hetuju pazicyju padtrymlivaje i Niamieččyna. Adpaviednuju zajavu apublikavała ŭ tvitary pradstaŭnik kabinieta ministraŭ FRH Marcina Fitc.
U svaju čarhu Chuan Huajdo zajaviŭ, što daterminovyja vybary ŭ Vieniesuele pavinny prajści praz šeść-dzieviać miesiacaŭ ci raniej, a kanflikt u krainie pavinny vyrašać sami vieniesuelcy.
«Vybary pavinny być u samyja karotkija terminy … Ale pierš treba azdaravić jak maha chutčej vybarčuju sistemu, kab byŭ adzin vybarščyk i adzin hołas, my havorym pra šeść-dzieviać miesiacaŭ, moža, mienš, ale jak maha chutčej», — cytuje Huajdo telekanał Antena3.
