Alaksandr Łukašenka, zasłuchoŭvajučy siońnia dakład ab pierśpiektyvach raźvićcia nacyjanalnaj sistemy adukacyi, raskrytykavaŭ uviedzieny niadaŭna ŭ škołach adziny dzień infarmavańnia «Škoła aktyŭnaha hramadzianina» (ŠAH), piša BiełTA.
«Vaš hety ŠAH, jaki vy ŭviali, tak zvanaja «Škoła aktyŭnaha hramadzianina» - heta asobnaja razmova. Heta pavinna pranizvać usie kursy: ad matematyki da humanitarnych dyscyplin. Heta treba vykładać na kožnym uroku pa kožnym kursie, farmirujučy hramadzianskuju pazicyju čałavieka, a nie vyłučeńniem niejkaha asobnaha kursa - «Škoła aktyŭnaha hramadzianina», - skazaŭ Alaksandr Łukašenka.
Jon adznačyŭ, što sam pa sabie hety prajekt byccam i niadrenny. Ale jon zasumniavaŭsia, ci hatovy nastaŭniki zajmacca im. «Vy ab hetym padumali? I što, paśla taho jak vy prydumali ŭ Minadukacyi hety ŠAH, jany buduć vykładać na im? Dla hetaha ŭ nas jość histaryčnyja dyscypliny, jość litaratura i hetak dalej. Tam treba vykładać elemienty hetych ŠAHoŭ, siamju treba zadziejničać i srodki masavaj infarmacyi, kab sfarmiravać hetaha aktyŭnaha hramadzianina», - ličyć kiraŭnik dziaržavy.
Jon taksama vykazaŭ šerah krytyčnych zaŭvah da inšych kursaŭ, u tym liku pa asnovach biaśpieki žyćciadziejnaści.
«Nadumanaść zamiest taho, kab raźvivać, pašyrać toje, što ŭžo aprabavana žyćciom, i toje, što patrebna budzie zaŭtra», - padkreśliŭ Alaksandr Łukašenka.
