36-hadovy hastarbajtar z Małdovy prapanavaŭ biełaruskamu pamiežniku 1000 rasijskich rubloŭ ($15), kab toj nie ahladaŭ jaho asabistyja rečy ŭ punkcie propusku Słaviečna, u ciahniku Kišynioŭ — Sankt-Pieciarburh, na ŭjeździe ŭ Biełaruś. Ździełka nie adbyłasia, paviedamlaje TKM.
Akazałasia, inšaziemiec vioz u torbach ałkaholny brend svajoj krainy — chatniaje vino, kolkaść jakoha ŭ 2,5 raza pieravyšała dazvolenuju normu.
Pravaachoŭnyja orhany rascanili prapanovu małdavanina jak prapanovu chabaru. Za heta praduhledžanaja kryminalnaja adkaznaść. Pa słovach mužčyny, jon abiacaŭ pačastavać samarobnym vinom svaich kalehaŭ — inšych hastarbajteraŭ, jakija taksama pracujuć u Rasii. A dazvolenaj normy dla paŭnavartasnaj biasiedy było b mała.
0
0
0
0
0
0
