Prezident Kazachstana Nursułtan Nazarbajeŭ zajaviŭ, što daterminovyja vybary kiraŭnika dziaržavy nie płanujucca. Zdahadki ab adstaŭcy Nazarbajeva źjavilisia paśla taho, jak 4 lutaha jon źviarnuŭsia ŭ Kanstytucyjny saviet Kazachstana z prośbaj udakładnić pałažeńnie ab daterminovym spynieńni paŭnamoctvaŭ prezidenta. 5 lutaha ŭ fejsbuku apublikavana rastłumačeńnie Nazarbajeva ŭ suviazi ź jaho zvarotam u KS.
Pa słovach 78-hadovaha Nazarbajeva, dadzieny zvarot — «absalutna rucinnaje pytańnie». Jaho nie raz pytalisia, pry jakich umovach prezident moža syści ŭ adstaŭku, pakolki ŭ kazachstanskaj kanstytucyi heta nie vyznačana, u adroźnieńnie ad asnoŭnych zakonaŭ inšych krain.
«U suviazi z tym, što takoje pytańnie mnie zadavali, ja paprasiŭ Kanstytucyjny saviet rastłumačyć heta», — zajaviŭ Nazarbajeŭ, adznačyŭšy, što «šumieć vakoł hetaha nie varta».
«Viadoma, usich cikavić, samaje cikavaje pytańnie — vybary, tranzit i hetak dalej. Čytajcie kanstytucyju, čytajcie zakony ab prezidencie, tam usio dakładna raśpisana: kali vybary adbyvajucca, kali termin prachodzić. Tak, u prezidenta pa kanstytucyi, pa zakonach jość prava abjaŭlać daterminovyja vybary, ale nam heta nie pahražaje. Tak što davajcie supakoimsia i budziem narmalna pracavać», - skazaŭ na zakančeńnie jon.
Nazarbajeŭ kiruje Kazachstanam ad 1990 hoda.
