Da kanca 2022 hoda Polšča narešcie stanie niezaležnaj ad pastavak hazu z Rasii, paviedamiŭ upaŭnavažany polskaha ŭrada pa spravach stratehičnaj enierhietyčnaj infrastruktury.
Novy hazapravod Baltic Pipe.
Piotr Naimski (Piotr Naimski) nahadaŭ, što mienavita tady ŭ Polščy zakončycca abaviazak kupli «błakitnaha paliva» ŭ Rasii j źjaviacca novyja mahčymaści:
— Pa-pieršaje, havorka idzie pra Baltic Pipe — hazapravod, jaki pa dnie Bałtyjskaha mora j praz terytoryju Danii budzie pastaŭlać haz z Narviehii ŭ Polšču. Na Paŭnočnym mory inviestuje nafta-hazavy kancern PGNiG. Tamu z 2022 hodu častka hazu, jakuju budzie atrymlivać Polšča, budzie zdabytaja j pieraapracavanaja mienavita polskim kancernam. Doŭhaterminovaja damova na pastaŭki hazu z kancernam «Hazprom» zakančvajecca naprykancy 2022 hoda. Polskaja enierhietyčnaja stratehija nie praduhledžvaje pradaŭžeńnia hetaj damovy.
Na dyviersifikacyju krynic pastavak hazu pavinny paŭpłyvać taksama novyja kantrakty na pastaŭki zvadkavanaha hazu z ZŠA i Katara.
