Rasija ličyć pravakacyjaj dastaŭku humanitarnaj dapamohi ŭ Vieniesuełu. Takuju zajavu zrabili ŭ rasijskim MZS, pieradaje TASS.
Pa słovach aficyjnaha pradstaŭnika viedamstva Maryi Zacharavaj, zamiest «uvozu dapamohi [Złučanymi Štatami] na paru sotniaŭ miljonaŭ dalaraŭ možna było b źniać błakavańnie rachunkaŭ vieniesuelskich dziaržpradpryjemstvaŭ u amierykanskich bankach na 11 miljardaŭ dalaraŭ abo zadziejničać śpiecyjalizavanyja ŭstanovy AAN, jakija majuć vialiki i nieacenny dośvied».
«Pytańni adpadajuć, kali havorka idzie pra zrežysavanuju pravakacyju i śpiekulavańnie na vysakarodnaj mecie», — skazała jana. Zacharava taksama adznačyła, što «niaprostaja historyja rehijonu vypracavała tam ustojlivuju alerhiju da zamiežnaha vajskovaha ŭmiašańnia, jakoje prychodziła, jak praviła, z boku ZŠA».
