U hałkipiera «Čełsi» Kiepy Arysabałahi i hałoŭnaha treniera kamandy Maŭrycya Sary zdaryłasia nieparazumieńnie ŭ finale Kubka anhlijskaj lihi (nie błytać z Kubkam Anhlii!) z «Mančesteram Sici».
Bask atrymaŭ paškodžańnie ŭ samym kancy dadatkovaha času. Vili Kabaljera padrychtavaŭsia da vychadu na pole, piša Tribuna.com
Sudździ abviaścili zamienu, adnak Kiepa admoviŭsia sychodzić z pola i pakazaŭ, što ź im usio ŭ paradku.
Hałoŭny arbitr matča Džonatan Mos zaklikaŭ Sary razabracca ŭ situacyi. Italjaniec doŭha pra niešta spračaŭsia, ale ŭ vyniku Arysabałaha zastaŭsia na poli.
Sary ŭziaŭ z łaŭki kurtku, šturchnuŭ butelku i nakiravaŭsia da tunela ŭ padtrybunnaje pamiaškańnie, ale ŭ vyniku pieradumaŭ i viarnuŭsia.
Italjaniec padčas paŭzy pierad sieryjaj pienalci paspračaŭsia ź ispanskim abaroncam Sesaram Aśpilikuetaj, a Antonia Rudyhier strymlivaŭ treniera.
U vyniku ManSici pieramoh u sieryi 4:3, Sary paźniej pryznaŭ racyju Kiepy. Adnak i Kiepa vykazaŭ pavahu trenieru.
