Park vysokich technałohij adspravazdačyŭsia ab šalonym roście svajho ekspartu — na 38% u paraŭnańni z 2017 hodam, jon skłaŭ $1 młrd 414 młn.
«Ahulny abjom vytvorčaści PVT skłaŭ 3 młrd 202 młn rubloŭ, rost u paraŭnańni z 2017 hodam 47%. Na ŭnutranym rynku rezidenty Parku raspracavali i ŭkaranili IT-rašeńniaŭ na sumu Br 297 młn. Heta na 59 % bolš, čym u 2017 hodzie. Rost PVT pa ekspartu pierasiahnuŭ usie našy čakańni», — havorycca ŭ pres-relizie.
U kamientarach da naviny na sajcie «Našaj Nivy» kamientatary zarubilisia: niechta ličyć, što prahramisty žanhlujuć ličbami i ŭvieś pośpiech ad taho, što IT-kampanii ŭ PVT płaciać źmienšanyja padatki.
Prapanujem vam arhumienty i kontrarhumienty, materyjał abnaŭlajecca.
Alaksandr comrade /04.03.2019 / 09:08 piša:
«Samaja vialikaja lipa ŭ Biełarusi. Panabirali ŭ afšor usialakich mutnych kantor i rapartujuć pra ličby. Vydatny prykład — kantorka, jakaja rabiła fejki pra Ukrainu dla rosTB na zamovu, a toje, što hetyja «Rohi i Kapyty», jakija nie majuć nijakaha dačynieńnia da vysokich technałohij, padatki nie płaciać u biudžet — nu ničoha. U Rasii voźmuć u doŭh, biespracoŭnych patrasuć…
Jančeŭski, ty skažy nie kolki jany płaciać u biudžet, a kolki PAVINNY BYLI B płacić, kali b nie afšor. I nie tolki padachodny ŭspaminaj. A, naprykład, padatak na prybytak, jaki hetyja psieŭdaajcišniki nie płaciać zusim. Heta nonsens: arhanizacyi, rentabielnaść jakich suvymiernaja z harełačnymi vytvorcami, nie płaciać padatak na prybytak. Paličy, kolki hrošaj vyciakaje dziakujučy afšoru!! Kłaŭnada».
Jon ža piša:
«I adna lhota PVT. Atrymlivajuć prahramisty za 4000, a płaciać u fond abarony tak, jak byccam atrymlivali b siaredniuju pa krainie.
Padatkovyja lhoty PVT:
1) PDV — nie płaciać
2) Padatak na prybytak — nie płaciać
3) afšorny zbor — nie płaciać
4) Padatak na dachody nierezidentaŭ — staŭka 0%
5) Padatak na nieruchomaść — nie płaciać
6) Mytnyja płaciažy — vyzvalenyja ad vypłaty
7) Padachodny — 9%
8) FSAN — nie naličvajucca na častku dachodu, jakaja pieravyšaje pamier siaredniamiesiačnaj zarabotnaj płaty ŭ krainie.
Voś zaraz ličym, kolki hrošaj pajšło z krainy i kamu heta sapraŭdy vyhadna!
Jamu adkazvajuć adrazu niekalki čałaviek:
Dzied Maroz /04.03.2019 / 11:24
«Alasandr comrade, ty zabyŭsia jašče skazać, što IT kampanii nie ŭdzielničajuć u «subotnika» i napeŭna ŭ niezrazumieły «prafsajuz» hrošy nie pieraličvajuć:)
A tak, pa sutnaści, ŭsio tak i jość: padachodnaha padatku kožny siaredni IT-śpiecyjalist płacić jak u siarednim 4 hramadzianina RB; adličeńni ŭ FSAN — heta ad siaredniaj ZP (kolki tam jana 1000?!) a heta nie ad 300 rubloŭ… akramia taho, jak praviła, IT-śpiecyjalist tracić svaje zaroblenyja hrošy ŭ nas u Biełarusi (i heta ŭ siarednim atrymlivajecca jak 3—4 hramadzianina RB. Adpaviedna, u 3—4 razy bolš płacić ŭskosnych padatkaŭ: PDV u cenach tavaraŭ i h.d».
Siarhiej mobilizator /2019/03/04 / 15:05
«Śmiešna, niepiśmienna i niasłušna śćviardžać, što ajcišnikaŭ atačajuć nierelevantnyja lhoty, z-za jakich pakutujuć usie. Fakty kažuć inšaje.
1) Voźmiem siaredniuju zarpłatu 1000 rubloŭ pa krainie. Z ulikam 13% padachodnaha padatku, rabotnik u siarednim vypłačvaje 130 rubloŭ u biudžet krainy, adzin ajcišnik z 9% anałahičnaha padatku i siarednim zarobkam u 4400 rubloŭ — 396 rubloŭ. 130 i 396, 396 i 130.
2) Balničnyja apłačvajucca ajcišnikam, zychodziačy ź siaredniaj zarpłaty pa krainie, a nie pa ich faktyčnaj zarpłacie — što im nu vielmi niavyhadna, ale nijak nie kranaje astatniaje hramadstva. Toje ž samaje i pra piensii — staraść usich zrobić roŭnymi.
3) Raźvićcio IT-industryi — nu tut usio vidavočna. Infrastruktura, jak i śfiera pasłuh, atrymali impuls. Jość zakanamiernaść: pry raźvićci siaredniaha kłasa zvyčajna nazirajecca chutkaje i prahresiŭnaje raźvićcio hramadstva ŭ cełym i kolkaści prapanoŭ na rynku. Nie baču, jak u hetym vypadku raźvićcio IT pieraškadžaje raźvićciu ekanomiki.
4) Kala 80% svajho zarobku ajcišniki traciać u Biełarusi — davajcie paličym, kolki takim čynam jany ŭkładajuć u raźvićcio rynku i pryvatnaha pradprymalnictva ŭ tym liku.
5) Adzin ajcišnik «stvaraje» 3—4 pracoŭnyja miescy dla nieacišnikaŭ — i zarpłaty hetyja nieajcišniki atrymlivajuć dobryja.
6) Na ŭzroŭni kampanij: rezidenty PVT płaciać 1% z abarotu. I vyzvalenyja ad inšych padatkaŭ. I heta pravilna, tamu što 90% IT-startapaŭ nie dažyvajuć da prybytku ŭ kankurentnym asiarodździ. Pry takim raskładzie inviestary ŭ hetaj śfiery pavinny vieryć u pośpiech startapaŭ nu vielmi mocna. Tamu nam patrebnyja takija ŭmovy, jakija stvorany ŭ PVT.
7) Na ŭzroŭni imidžu krainy: pačytajcie vodhuki zamiežnikaŭ, jakija pracujuć u IT-Biełarusi. U cełym ŭsim usio padabajecca. Mohuć skardzicca na nudu, ale heta subjektyŭna.
8) Nichto nie pieraškadžaje entuzijastam prapanavać padobnyja źmieny ŭ inšych halinach, kab usio było jurydyčna abhruntavana i abiacała pierśpiektyvy. Tolki entuzijastaŭ niešta nie vidać, zatoje šmat kanapavych krytykaŭ».
«U reale usio vielmi prosta: kali nie dać mahčymaść pracavać PVT, to ajcišniki adnaznačna źjeduć z krainy, źniknuć vialikija hrošy u biudžet, pahoršaje stan adukacyi, miedycyny i inšych siehmientaŭ žyćcia. Tak što, stratehija rasiejskich impierskich zasłancaŭ vielmi dakładnaja: dušy lubyja sproby u Biełarusi pa stvareńni sučasnych siehmientaŭ ekanomiki, jakija pasłablajuć łancuh, na jakim trymaje Biełaruś impierski Kreml! Rabi tak, kab ź Biełarusi źbiehli usie razumnyja i prafiesijnyja, a zastałasia adna vata! Tak nabližaj anieksiju Biełarusi!
Im adkazvaje toj ža Alaksandr comrade:
«Joprst, nu voś pryčynna-vynikovyja suviazi fiejeryčnyja: kali tabie nie padabajecca ajcišny afšor, to ty pucinski zasłaniec. Ja navat nie viedaju, jak heta cenzurna prakamientavać. Heta, mnie zdajecca, naohuł nie lečycca, prabačcie.
Siarhiej mobilizator: 1) Dyk zaŭsiody chto bolš atrymlivaje, toj bolš płacić. Nidzie ŭ śviecie nie ličać padachodny padatak u absalutnych ličbach. Naadvarot, u bolšaści raźvitych krain jon prahresiŭny, h.zn. čym bolšy prybytak, tym bolšy pracent. Bolš za toje, jość nieabkładany padachodnym padatkam minimum. H.zn. čałaviek, jaki atrymlivaje nižej dalaraŭ 300, naohuł by nie płaciŭ padatak. Da taho ž, vy zabyvajecie pra inšyja padatki, jakija taksama nie płaciacca. PDV, padatak na prybytak, myty i tp. Tam vielizarnyja hrošy.
3) Halina raźvivajecca USIUDY. Va ŭsich našych susiedziaŭ Ajci-bum, pry hetym ni ŭ adnaho ź ich niama parkaŭ i afšoru. H.zn. niejak i halina raście i padatki płaciacca — voś dziŭna.
4) Niama nijakich dadzienych, kolki chto tracić u RB — heta ličba ŭziata z hałavy absalutna.
5) I hetaja ličba ŭziataja z vašaj hałavy, jana absalutna ni na čym nie zasnavanaja. Da taho ž, usie kažuć, jaki pazityŭny ŭpłyŭ ajcišniki robiać na śfieru pasłuh. A ja b paličyŭ lepš, jaki niehatyŭny ŭpłyŭ heta akazvaje na astatniaje žabrackaje nasielnictva. Za košt razdźmutych dachodaŭ (praź ilhoty) ajcišniki stvarajuć pavyšany popyt na rynku pasłuh, što viadzie da rostu cen. U vyniku rabaciaha, jaki jak atrymlivaŭ, tak i atrymlivaje, nie moža sabie dazvolić schadzić u bar, u pryvatny miedcentr, źniać abo kupić kvateru. I jon paśla hetaha pavinien ajcišnikam dziakuj kazać?
6) Skazali A — kažycie B. Hety 1% z abarotu — nie padatki, heta hrošy za siabroŭstva ŭ PVT i iduć jany nie ŭ biudžet, a administracyi parku.
7) Dzie jany znojduć jašče takich unikumaŭ, jakija vysokarentabielnuju halinu ad padatkaŭ vyzvalać? Da taho ž, mnohija z hetych chvalebnych vodhukaŭ apłačany łabistami parku (a vy dumali, kudy hety 1% sychodzić)
8) Prapanavać???? Prapanoŭvali. Vuń nasilisia ź idejaj pryborabudaŭničaha kłastara. I vyniku źvierchu cyknuŭ, i ŭsie zmoŭkli.
Sprečka praciahvajecca i budzie abnaŭlacca, kali buduć źjaŭlacca novyja vykazvańni.
