Dziaržaŭny sakratar Rady biaśpieki Biełarusi Stanisłaŭ Zaś bačyć nieabchodnaść u pryniaćci asobnaj prahramy pa zachavańni tradycyjnych kaštoŭnaściaŭ i asnoŭ biełaruskaha hramadstva, piša BiełTA.
Pra heta jon zajaviŭ siońnia žurnalistam pa vynikach pasiadžeńnia Rady biaśpieki, na jakim razhladaŭsia prajekt Kancepcyi infarmacyjnaj biaśpieki Biełarusi.
«Važnaja tema, jakaja siońnia prahučała, — heta abarona tradycyjnych kaštoŭnaściaŭ i asnoŭ. Hetamu pryśviečany ceły raździeł u Kancepcyi infarmacyjnaj biaśpieki. I heta prapanujecca ličyć adnym z hałoŭnych abjektaŭ dla abarony ŭ infarmacyjnaj prastory. Byŭ vykazany ceły šerah prapanoŭ mienavita pa hetym kirunku dziejnaści. Prahladajecca nieabchodnaść pryniaćcia asobnaj prahramy pa zachavańni tradycyjnych kaštoŭnaściaŭ i asnoŭ našaha hramadstva», — raspavioŭ dziaržsakratar.
Jon padkreśliŭ, što infarmacyjnaja prastora Biełarusi adkrytaje i «prastrelvajecca» z usich kirunkaŭ. «Tamu nam treba zachoŭvać i svoj suvierenitet, i kulturnyja kaštoŭnaści, histaryčnuju spadčynu i tradycyjnyja asnovy», — dadaŭ Stanisłaŭ Zaś.
Łukašenka: Raspaŭsiudnikam fejkaŭ treba adkazvać ich ža zbrojaj. I my heta ŭmiejem
